Redmi K90 Pro Max iň gowy kamera bilen enjamlaşdyrylar
Xiaomi kompaniýasynyň prezidenti Lu Weýbing täze Redmi K90 Pro Max flagman smartfony barada gyzykly maglumatlary paýlaşdy. Onuň bellemegine görä, bu model Redmi brendiniň taryhyndaky iň ýokary hilli kamera bilen enjamlaşdyrylar.
Täze enjamda 1/1,31 dýuým ölçegindäki esasy kamera datçigi ulanylar — bu Redmi smartfonlarynda şu wagta çenli iň uly datçikdir.
Redmi K90 Pro Max modeli Light Hunter 950 atly datçik bilen üpjün edilýär. Ol 13,5 EV giňeldilen dinamiki aralyk görkeziji bilen işleýär we Xiaomi 17 modelinde hem hut şu datçik ulanylypdy. Enjamda kompaniýanyň özboluşly DXG giňeldilen dinamiki aralyk tehnologiýasy hem ornaşdyrylan.
Kamera optikasy 1G+6P gurluşyna esaslanýar — ýagny bir sany aýna we alty sany plastmassa linzadan durýar. Bu bolsa şekillerde ýagtylygyň gaýtmalaryny we bleskleri ep-esli azaldýar.
Lu Weýbing çykyşynda täze flagmany “Redmi-niň şu ýylyň iň soňky şedewri” diýip atlandyrdy we onuň tanyşdyrylyşynyň şu penşenbe güni geçiriljekdigini mälim etdi.
Täze Redmi K90 Pro Max smartfony kamera tehnologiýasy boýunça täze derejäni görkezmek bilen, Xiaomi toparynyň innowasion ugry dowam etdirýändigini görkezýär.
