Barselona bilen Inter. Ýarym finalyň ilkinji duşuşygy deňe-deň tamamlandy
2025-nji ýylyň 30-njy aprelinde Barselonanyň «Olimpik Lýuis Kompanis» stadionynda Çempionlar ligasynyň ýarym finalynyň ilkinji duşuşygy geçirildi. Barselona bilen Interiň arasynda geçen oýun 3:3 hasaby bilen tamamlandy.
Oýnuň başlanan pursatyndan Inter öňe saýlanmagy başardy. Markus Týuram ilkinji 30-njy sekuntda hasaby açdy. 21-nji minutda Denzel Dýumfris ikinji topy geçirip, Interiň artykmaçlygyny hasda artdyrdy.
Barselona hem 24-nji minutda Lamin Ýamalyň derwezä topy geçirmegi bilen aratapawudy azaltdy. 38-nji minutda Ferran Torres Rafinýanyň ýardam topundan peýdalanyp, hasaby 2:2 ýetirmegi başardy.
Oýnuň ikinji ýarymda Dýumfris ýene bir top geçirdi. Ýöne Barselona bu gola hem jogap berdi — Rafinýanyň güýçli urgusy Zommeriň üsti bilen tora girip, oýnuň soňky hasabyny kesgitledi: 3:3.
Duşuşykda ýaş ýyldyz Lamin Ýamal, Rafinýa we Dýumfris aýratyn tapawutlandy. Interiň bir goly oýundan daşary ýagdaý sebäpli hasaba alynmady. Toparlaryň tälimçileri oýundan soň oýnuň çekeleşikli geçendigini we netijäniň adalatlydygyny bellediler.
3:3 hasaby bilen toparlar finala çykmak üçin deň mümkinçilik saklaýarlar. Jogap oýny Milanda geçiriler we finala çykjak topar şol ýerde kesgitlener.
"Amulinfo"-dan täzelikleri yzygiderli okaň we täzeliklerden elmydama habarly boluň.
Biziň TikTok sahypamyza https://www.tiktok.com/@amul.info şu salgydan goşulyň.
