Portugaliýa Germaniýadan üstün çykyp, Milletler ligasynyň finalyna çykdy

Oýun iýun aýynyň 4-ne “Arena Mýunhen” stadionynda geçirildi. Duşuşygyň baş eminliginde sloweniýaly Slavko Winçiç çykyş etdi. Netije — 2:1, Portugaliýanyň peýdasyna.

Duşuşygyň gidişi:

48-nji minutda "Bayer" klubynyň oýunçysy Florian Wirts Germaniýany öňe çykardy. Ýöne portugallar tiz özüni dikeldip, 63-nji minutda Şiku Konseýsaw hasaby deňledi. 68-nji minutda bolsa Kriştianu Ronaldu ýeňiş getiren topuny derwezä geçirdi.

Ýarym finala çenli ýol:

Germaniýa:

Topar tapgyry: 4 ýeňiş, 2 deňlik

Niderlandlar bilen: 2–2, 1–0

Wengriýa bilen: 5–0, 1–1

Bosniýa we Gersegowina bilen: 2–1, 7–0

1/4 finalda Italiýany ýeňdi: 2–1 we 3–3

Portugaliýa:

Topar tapgyry: 4 ýeňiş, 2 deňlik

Horwatiýa bilen: 2–1, 1–1

Polşa bilen: 3–1, 5–1

Şotlandiýa bilen: 2–1, 0–0

Çärýek finalda Daniýa bilen: 0–1 we 5–2

Finaldaky garşydaş kim bolar?

Ispaniýa bilen Fransiýanyň duşuşygy iýun aýynyň 5-ne, Aşgabat wagty bilen sagat 00:00-da bolar.

Final oýny iýun aýynyň 8-ne 23:45-de, üçünji orun üçin duşuşyk bolsa şol gün 16:00-da geçiriler.

Tomsyň esasy futbol wakalaryny bizde — bize agza boluň!