Allergiýanyň köpelmeginiňowpuny peseldýän önümiň ady belli boldy
Nutrients žurnaly: pomidorlar allergiki keselleriň töwekgelçiligini azaldýar
Pomidorlary yzygiderli ulanmak bedende dowamly suwuklama proseslerine garşy göreşmäge kömek edýär we allergiki keselleriň döreme howpuny peseldýär. Bu netijä ýaponiýanyň Kanazawa uniwersitetiniň alymlary geldi. Işleriň netijeleri Nutrients atly ylmy žurnalda neşir edildi.
Barlagda 40 ýaşdan ýokary bolan müňden gowrak adam gatnaşdy. Alymlar meýletin gatnaşyjylaryň iýmit rasionyny olaryň gan görkezijileri bilen deňeşdirdiler we pomidory ýygy iýýän adamlarda eozinofilleriň derejesiniň has pesdigini ýüze çykardylar. Eozinofiller — bedende allergiki we suwuklama reaksiýalarynyň ösmegine gatnaşýan öýjüklerdir.
Alymlar ýaş, beden agramy, zyýanly endikler we dowamly keseller ýaly faktorlary hem göz öňünde tutanlarynda-da, bu arabaglanşyk saklanyp galdy. Hasaplamalara görä, her gün goşmaça 10 gram pomidor iýmek eozinofilleriň derejesiniň ýokarlanma ähtimallygyny takmynan 10% peseldýär.
Barlagçylar bu täsiri pomidoryň düzümindäki biologiki işjeň maddalaryň — likopin, polifenol we flawonoidleriň — birleşen täsiri bilen baglanyşdyrýarlar. Bu birleşmeler güýçli suwuklama garşy häsiýete eýedir, antioksidant goragyny güýçlendirýär we immun ulgamynyň işini kadalaşdyrýar. Şeýle-de bolsa, aýratyn witaminleriň, şol sanda C witamininiň we fol turşusynyň, şeýle täsiri görkezmändigi bellenýär.
Alymlar pomidorlary iýmit rasionyna goşmagyň bronhial demgysma, allergiki rinit (burun allergiýasy) we immun ulgamynyň bozulmagy bilen bagly beýleki suwuklama ýagdaýlarynyň öňüni alyş iýmitiniň bir bölegi bolup biljekdigini belleýärler. Geljekde alymlar pomidory yzygiderli ulanmagyň bedendäki suwuklama derejesine wagtyň geçmegi bilen edýän täsirini bahalandyrmak üçin uzak möhletli gözegçilikleri geçirmegi meýilleşdirýärler.
