Lukman: ulular we çagalar üçin ýylyň dowamynda näçe balyk iýmek gerekdigini aýtdy
Lukman Moiseýew: Uly adam bir ýylda 25–30 kilogramm balyk iýmelidir
Uly adamyň bir ýylyň dowamynda 25–30 kilogramm balyk iýmegi zerurdyr. Bu barada pediatr, lukmançylyk ylymlarynyň doktory Anatoliý Moiseýew RIA Nowosti habar gullugyna gürrüň berdi.
Ol çaganyň iýmitine balygy goşmagyň wagty barada aýdyp, balygy ilkinji gezek 8 aýlyk döwründen başlap bermek gerekdigini, adatça ýagsyz görnüşli balyklardan başlamagyň maksadalaýykdygyny belledi.
Gyzyl balyk — meselem, semga (losos) bolsa, çaganyň iýmitine bir ýaşyna golaý wagty goşulmalydyr.
Uly adam bedene zerur bolan witaminleriň we mikroelementleriň kadaly möçberini almak üçin hepdede 600 gram çemesi balyk iýmelidir. Bu görkeziji ýyllyk hasap bilen 25–30 kilogramma barabardyr. Şol möçberdäki balygy 12 ýaşyna ýetýän çaga hem iýip biler.
1-nji noýabrda kardiolog we terapewt Lenar Kaşapow, dogry iýmitlenmegiň insultyň öňüni almakda we damarlaryň umumy saglygyny saklamakda möhüm ähmiýete eýedigini belledi.
Şeýle hem, 30-njy oktýabrda lukmançylyk ylymlarynyň doktory Larisa Wolkowa, aýallaryň günüň dowamynda 58–87 gram, erkekleriň bolsa 65–115 gram belok kabul etmelidigini aýtdy.
