Daň ýyldyzy Wenera ertir öňküsinden has ýagty bolar

Live Science-yň maglumatlaryna görä, 24-nji aprelde Günden ikinji planeta bolan Wenera öz ýagtylygynyň iň ýokary derejesine – -4.4 ululyga ýetýär. Şeýle ýagtylyk indiki gezek 2026-njy ýylyň 22-nji sentýabrynda gaýtalanyp biler.

Häzirki wagtda Wenera "Daň ýyldyzy" ady bilen tanalýar. 22-nji martdan bäri ol gündogardan çykyp, Gün dogýança ýagtylyk saçýar. Mundan öň bolsa, Gün batandan soň günbatarda görünýärdi we "Agşam ýyldyzy" diýlip atlandyrylýardy.

Weneranyň ýagtylygynyň artmagynyň sebäbi – onuň häzirki wagtda Ýere golaý ýerleşýändigi we onuň orbitasynda Ýerden çalt hereket etmegidir. Weneranyň bir ýyly 225 gün dowam edýär, Ýeriňki bolsa 365 gün.

Wenera Ýere golaý bolanda, ol uly we ýagty görünýär. Onuň görnüşi Aý ýaly ýarymaý görnüşinde bolup bilýär, sebäbi biz diňe ýagty düşýän tarapyny görýäris. 24-nji aprelde Weneranyň diňe 23%-i, 24-nji maýda bolsa 45%-i ýagtylandyrylýar.

Planetanyň iň ýagty pursaty 24-nji aprele gabat gelse-de, ol aýyň ahyryna çenli ýagty bolmagynda galar. 25-nji aprelde, Weneranyň ýanynda 8% ýagtylandyrylan ýarymaýy görmek mümkin. Şeýle-de, tutuş aprel aýynyň dowamynda Weneranyň golaýynda Saturn hem görünýär. Live Science-yň ýazmagyna görä, käbir pursatlarda olaryň ýerleşişi ** ýylgyrýan ýüz** şekilini emele getirýär.