Eplenýän ekran
Hytaýyň iri «Huawei» kompaniýasy Hytaýda «MateBook Fold Ultimate Design» atly täze noutbugyny hödürledi. Noutbugyň agramy 1,16 kg-a barabar, daşynyň ýogynlygy bolsa açyk ýagdaýda 7,3 mm-e ýetýär.
Noutbuk iki gatly «OLED» displeý we energiýany az sarp etmäge mümkinçilik berýän «LTPO» tehnologiýasy bilen enjamlaşdyryldy. Bu bolsa noutbugy kadaly uzak wagt peýdalanmaga şert döredýär. Ekran üç gat uglerod süýümi bilen goralan. Noutbuk «HarmonyOS» operasiýa ulgamynda işläp, «Huawei»-niň beýleki enjamlary bilen ýeňil baglanyşyk we ýokary howpsuzlyk derejesini üpjün edýär.
