OpenAI ChatGPT-de Deep Research-iň ýönekeýleşdirilen wersiýasyny işe girizdi — ol doly mugt bolar
OpenAI ChatGPT-de çuňňur gözlegler üçin niýetlenen Deep Research guralynyň ýönekeýleşdirilen wersiýasyny hödürledi. Bu gural arkaly bot interneti gözden geçirip, berlen tema boýunça hasabat taýýarlaýar. Asyl wersiýasyndan tapawutlylykda, täze görnüşi doly mugt elýeterlidir.
OpenAI
Deep Research-iň ýönekeýleşdirilen görnüşi eýýäm käbir ulanyjylarda peýda bolup başlady. Ulanyjylara her aýda mugt 5 sany sorag bermek mümkinçiligi döredilýär. Eger-de ilkinji wersiýada ulanyş çägi dolsa, abuna ýazylanlaryň soraglary awtomatiki ýagdaýda ýönekeý wersiýa geçiriler. Ýöne bu ýerde-de tarif boýunça käbir çäklendirmeler bar.
Çuňňur gözleg funksiýasy diňe ChatGPT bilen çäklenmeýär. Tema boýunça giňişleýin hasabat taýýarlamak mümkinçiligi Google-yň Gemini-sinde, Microsoft-yň Copilot-ynda, xAI kompaniýasynyň Grok-ynda we beýleki köp sanly chatbotlarda hem bar.
