Owganystanyň demirgazygynda güýçli ýer titremesi onlarça adamyň durmuşyna täsir etdi

Ýerli saglygy goraýyş edaralarynyň berýän maglumatlaryna görä, 150 adam ýaralandy.

Iň azyndan dört adam ýogaldy, onlarçasy bolsa şikes aldy — bu hem demirgazykdaky güýçli ýer titremäniň netijesi.

Afghanistan International portalyna salgylanyp bu barada Report  habar berýär.

Balh welaýatynyň häkiminiň wekili, tebigy hadysanyň merkeziniň şol welaýatyň Şolgara etrabynda ýerleşendigini aýtdy. Ölenleriň hut şol ýerde hasaba alnandygy bellenilýär.

Neşir, ölenleriň sanynyň ep-esli artmagy mümkin diýýär. CNN teleýaýlymy hem ekspertleriň çaklamasyna görä, ýer titremäniň “adam ýitgileriniň köp bolmagyna” sebäp bolup biljekdigini habar berdi.

Sosial ulgamlarda ýaýradylan wideolarda uly weýrançylyklar görünýär.

Bellesek, ýer titremesi 6,3 magnitudaly bolup, ýer titremesi 01:28-de (Aşgabat wagty bilen) ýurduň demirgazygyndaky Balh welaýatynyň Mazar-i-Şerif şäherinden 45 km günorta-gündogarda hasaba alyndy.

2025-nji ýylyň awgust aýynda hem Owganystanda 6 magnitudaly ýer titremesi bolupdy. Şol wagt 2,2 müňden gowrak adam ýogalypdy.