Lebap welaýatynyň taryhy we ülkäni öwreniş muzeýinde Watançylyk urşuna bagyşlanan suratkeşlik eserleriniň bäsleşigi geçirildi
Lebap welaýatynyň Taryhy we ülkäni öwreniş muzeýinde, Türkmenistanyň Magtymguly adyndaky Ýaşlar guramasynyň Türkmenabat şäher Geňeşiniň we Türkmenabat şäheriniň Çagalar çeperçilik mekdebiniň guramagynda, Beýik Ýeňşiň 80 ýyllygy mynasybetli dabaraly maslahat geçirildi we gezelenç gurnaldy.
Bu çärä il ýaşululary, kümüş saçly eneler, jemgyýetçilik guramalarynyň wekilleri, Çagalar çeperçilik mekdebiniň mugallymlary we okuwçylary, şeýle hem talyp ýaşlar gatnaşdylar.
Maslahatyň dowamynda, Türkmenistanyň Magtymguly adyndaky Ýaşlar guramasynyň Türkmenabat şäher Geňeşi, Türkmenabat şäheriniň Çagalar çeperçilik mekdebi we Beýik Watançylyk urşy muzeýi tarapyndan yglan edilen «Gahryman goragçylaryň keşbi ýaş nesilleriň kalbynda» atly surat bäsleşiginiň ýeňijilerine sylaglar gowşuryldy. Soňra, Türkmenabat şäheriniň Beýik Watançylyk urşy muzeýiniň gurnan sergisine syn edildi.
